Loiutik hegan egiten ahalegintzen nintzen. Nire bidean aurkitu ditudan maisu-maistren irakaspenak aprobetxatuz, uztaia, trapezioa, oihalak, soka, bikotea eta hirukotea probatzen ditut, oinak zeruan izatea ahalbidetzen didan edozein elementu, alegia.
Zoruan nagoen denboran, kontorzioaz eta binakako akrobaziaz gozatzen dut.
Hainbat hegaldi-lagun izan ditut Atropecias, Markeliñe, Morse edo gaur egun Rojo Telón konpainietan, eta, aldi berean, irakasle naiz Zirkodomo, La Fabrika, Zirkozaurre edo Txitatoki zirku eskoletan.
